This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.
Reading Problems? see Enabling Malayalam
അല്ലിഗെനി പര്‍വതങ്ങള്‍
സര്‍വ്വവിജ്ഞാനകോശം സംരംഭത്തില്‍ നിന്ന്
അല്ലിഗെനി പര്‍വതങ്ങള്‍
Allegheny Mountains
വടക്കേ അമേരിക്കയിലെ അപ്പലേച്ചിയന്‍ പര്‍വതനിരകളുടെ ഒരു ഭാഗം. ഹഡ്സണ്‍ നദിയുടെ പടിഞ്ഞാറും തെക്കുമായി പെന്‍സില്‍വേനിയ, മേരിലന്‍ഡ്, വെര്‍ജീനിയ എന്നീ സംസ്ഥാനങ്ങളില്‍ ഉള്‍പ്പെടുന്ന പര്‍വതപംക്തികളെ മാത്രമാണ് ഇപ്പോള്‍ അല്ലിഗെനി എന്നു വിളിക്കുന്നത്; മുമ്പ് അപ്പലേച്ചിയന്‍ നിരകള്‍ മുഴുവനും തന്നെ ഈ പേരില്‍ അറിയപ്പെട്ടിരുന്നു. തെ. കി-വ. പ. ആയി കിടക്കുന്ന അല്ലിഗെനി നിരകളുടെ ഏറ്റവും ഉയര്‍ന്ന ഭാഗം സ്പ്രൂസ് നോബ് (1,481 മീ) ആണ്. കി.ഭാഗത്ത് ചെങ്കുത്തായിക്കാണുന്ന ഈ മലനിരകള്‍ പ. സാവധാനം ചരിഞ്ഞിറങ്ങി ഗ്രേറ്റ്‍ലേക്സ് തടത്തില്‍ മൊട്ടക്കുന്നുകളുടെ രൂപത്തില്‍ അവസാനിക്കുന്നു. നോ: അപ്പലേച്ചിയന്‍ പര്‍വതം
